Барса почна преговори со Кристенсен и Аспиликуета

Барселона е силно заинтересирана за дефанзивецот на Челзи, Андреас Кристенсен и сака да го донесе на „Камп Ноу“.

Челзи не може да се договори со Кристенсен за нов договор и преговорите се во застој во моментов. Неговиот договор со „сините“ истекува во јуни и тој сега е слободен да преговара со други клубови.

Барселона сака да ја искористи таквата ситуација и веќе почнала преговори со агентот, па Каталонците се спремни да платат и висока провизија само да го донесат Кристенсен на „Камп Ноу“ без обештетување.

Тоа воопшто нема да биде лесно бидејќи конкуренцијата е голема, но Барса сака што поскоро да се договори со дефанзивецот и да стави потпис на преддоговор.

Слична е ситуацијата и со Аспиликуета, кој исто така може како слободен агент на лето да се пресели на „Камп Ноу“.