Барди слета во Турција: Доаѓам да го исполнам сонот, да заиграм во ЛШ!

Репрезентативецот на Македонија, Енис Барди пристигна во Трабзон каде што за неколку часа ќе биде промовиран во нов фудбалер на турскиот шампион.

Барди ќе ги помине медицинските прегледи после што ќе стави потпис на нов договор.

„Среќен сум што ќе бидам дел од шампионски тим. Тука ќе бидам да ги средам сите детали, а потоа да се запознаам со тренерот и новите соиграчи. Дојдов тука за да го исполнам сонот, да заиграм во Лигата на шампионите. Сакам да помогнам клубот да биде успешен на домашна и меѓународна сцена“, изјави Барди по слетувањето.

Ќе потсетиме, Барди го напушти Леванте откако овој клуб испадна во втората шпанска лига.

Enis Bardhi has arrived in Turkey to sign for Trabzonspor from Levante. #Transfers 🛩🇲🇰 pic.twitter.com/yRr2fCHMlw

— EuroFoot (@eurofootcom) August 11, 2022