Баерн ја добил првата „корпа“

Баерн Минхен е во потрага по наследник на Нико Ковач откако хрватскиот стратег доби отказ.

Со оглед на репутацијата на Баерн се очекува некое големо тренерско име да седне на клупата, а во преден план се споменуваат Жозе Мурињо и Масимилијано Алегри.

Според информациите на италијанските медиуми Баерн вчера го контактирал Алегри, но одличниот стратег ја одбил понудата.

Алегри на крајот на минатата сезона го напушти Јувентус после пет години поминати на клупата на „старата дама“ и исто толку Скудета. Наводно Алегри им се заблагодарил на понудата со зборовите дека не сака да води тим до следното лето и има намера се уште да се одмара.

Како можни наследници на Ковач освен Алегри и Мурињо се споменуваат уште Ерик Тен Хаг, Покетино и Арсен Венгер.

Засега е сигурно дека Флик ќе го предводи Баерн во натпреварите против Олимпијакос во Лигата на шампионите и Борусија Дортмунд во првенството.