Баерн се договори со ѕвездата на Ајакс

Само неколку часа откако се договори со Ливерпул за продажба на Алкантара, раководството на Баерн договори ново засилување.

Станува збор за 19-годишниот десен бек на Ајакс, Сержињо Дест. Баварците постигнаа комплетен договор со фудбалерот за 5-годишна соработка.

Сега претсоит потешкиот дел, двата клуба да ја договорат трансферната сума. Според информациите Ајакс бара 30 милиони евра за слободата на играчот, а Баварците сметаат дека таа сума е висока.

Германскиот клуб првично понуди 10 милиони евра, но понудата експресно беше одбиена, а се претпоставува дека двата клуба ќе „пуштат рака“ за 20 милиони евра.

Дест е роден во Холандија, но неговиот татко е Американец, па фудбалерот избра да го носи дресот на репрезентацијата на САД.