Баерн Минхен го „блиндираше“ својот архитект!

Баерн Минхен официјално потврди дека Тиаго Алкантара стави потпис на нов договор и се обврза на верност кон Баварците до 2021 година.

Со ова Алкантара стави крај на сите шпекулации дека може да ја напушти „Алијанц Арената“ на крајот на сезоната.

Во 2013 година Баерн го купи Тиаго од Барселона за 25 милиони евра, со што ја искористија клаузулата во неговиот договор. Од тогаш Шпанецот е незаменлив дел од тимот и вистински архитект на играта на Баварците.

„Јас и мојата фамилија сме многу среќни во Минхен. Се се одвива добро тука, и во иднина сакам да освојувам уште многу трофеи со Баерн“, изјави Алкантара.