Баерн има нова мета: Ќе плати 60 милиони евра за соиграч на Елмас?

Eкипата на Баерн летово ќе назначи нов тренер, а се очекува наследникот на Томас Тухел да биде Винсент Компани. Но, покрај тренерската позиција клубот работи и на засилувања во играчкиот кадар.

Последните информации говорат дека Баерн е сериозно заинтересиран да се засили со Дани Олмо од редовите на Лајпциг.

Олмо во својот договор со Лајпциг има откупна клазула од 60 милиони евра и ако баварците се спремни да ја платат тогаш тимот во кој настапува и македонскиот репрезентативец Елиф Елмас нема да има премногу избро.

Во Бундеслигата, Олмо важи за еден од најдобрите фудбалери во овој момент, а од голема корист за Баерн е што може да игра на две позици, како полушпиц и како десно крило. Во редовите на Лајпциг, Олмо пристигна пред четири години од хрватскиот гигант Динамо Загреб.