Баерн го откупува Кутињо и го прави најскап „Баварец“ во историјата

Филипе Кутињо ова лето ја напушти Барселона и се пресели во Баерн Минхен на едногодшна позајмица, а на „Алијанц Арената“ повторно ја поврати старата форма.

Добрите игри го натераа баварскиот гигант да ја активира откупната клаузула кои стои во договорот на Бразилецот.

Германските медиуми ја пренесуваат информацијата дека одлуката е донесена и дека управата на Баерн одлучила да го откупи Кутињо за 120 милиони евра.

Со тоа Кутињо ќе стане најскапиот фудбалер во историјата на Баерн, но со оглед дека за кратко време се прилагоди и пружа одлични партии, тоа нема да биде воопшто чудно.

„Кога ја поседува топката тој изгледа како да танцува со неа. Во секој момент знае што сака да направи и каде да ја испрати топката. Феноменален е.“, изјави тренерот Нико Ковач.