Баерн викендов го завршува трансферот од 15 милиони евра

Баерн Минхенвикендов се очекува да го потврди трансферот од 15 милиони евра.

Станува збор за Марк Рока кој Баерн ќе го доведе од Еспањол за оштета од 15 милиони евра, плус бонуси.

Наводно денес е постигнат договор помеѓу Баерн, Еспањол и самиот играч кој ќе потпише договор на четири години со опција истиот да се продолжи на уште една година. Секако пред самиот потпис играчот ќе ги помине задолжителните лекарски прегледи.

Рока во недела нема да игра во првото дерби во новата сезона од Ла Лига 2 против Сабадела токму поради неговиот трансфер во Минхен.

Претходно овој играч се најавуваше како засилување за Атлетико Марид, меѓутоа на крајот 23 годишниот играч за врска се реши за Баерн.