Артур: Секој ден се молам Нејмар да се врати во Барселона

Новото засилување на Барселона, Артур Мело во интервју за „Мундо Депортиво“ зборуваше за некои интересни теми поврзани со каталонскиот клуб.

Во последно време медиумите во Шпанија одново започнаа да го поврзуваат Нејмар со трансфер во Барселона.

Една од темите на Артур беше токму и можното враќање на бразилската супер ѕвезда. Артур тврди дека тој секојдневно се моли за Нејмар да се врати во Каталонија.

„Секој ден се молам да се врати. Фудбалскиот квалитет на Нејмар никој не може да го оспори, а колку подобри играчи има во тимот, толку е подобро. Навистина се молам, но тој самиот знае што е најдобро за него“, изјави Артур.

Нејмар ќе потсетиме од Барселона си замина за рекорден трансфер во износ од 222 милиони евра.