Артета: Сити даде гол од офсајд, ни се случуваат чудни работи

Aрсенал вчера доживеа нов пораз овој пат во Лига Купот против бранителот на трофејот Манчестер Сити.

После натпреварот Артета кажа дека Сити ја казнил секоја нивна грешка, но потенцираше и дека „граѓаните“ постигнале гол од офсајд.

„Ваков противник ја казнува секоја грешка. Имавме добри контранапади, но тие постигнаа гол од офсајд и на крајот се беше завршено со наш пораз. Тешко е да го согледаме натпреварот против ваков противник. Многу чудни работи ни се случуваат. Ние мораме да се свртиме бидејќи следните натпревари ќе ни ја одредат сезоната. Она што го видов е дека имам борци во екипата“, изјави Артета.

Арсенал сега е во серија од четири натпревари без победа во сите натпреварувања.