Артета верува во титулата: Сонот е жив!

Тренерот на Арсенал, Микел Артета во пресрет на последното коло се уште не се откажува и верува во титулата во Премиер лигата.

Манчестер Сити има предност од два бода и потребна му е победа на домашен терен против Вест Хем.

Од друга страна Арсенал треба да го победи Евертон, но и да се надева на кикс на „граѓаните“.

„Трофејот од Премиер лигата се уште не бил на „Емирати“, а е изграден пред речиси 20 години. Тоа е долго, долго време. Мора да бидеме многу оптимисти. Трофејот ќе биде таму и можно е да ги завршиме нашите обврски, а потоа да чекаме и да видиме што ќе се случи“,изјави Артета.

„Моментот е да се игра како секоја недела, со разбирање дека за да се оствари сонот треба да победиме.Тоа е сигурно. Тогаш мораме да се надеваме дека Вест Хем ќе го оствари тој сон. Тој дел е на нас и тоа е единственото нешто на кое можеме да се фокусираме“,додаде  Артета.