Арсенал ќе ја напаѓа титулата со Бака!

Англиските медиуми пренесуваат дека Арсенал е сериозно заинтересиран за напаѓачот на Милан, Карлос Бака и сака да го донесе на „Емирати“ во јануарскиот преоден рок.

Арсенал игра одлично оваа сезона и е еден од главните кандидати за титулата, а Венгер смета дека му е неопходен централен напаѓач од светска класа за да ги зголеми шансите за титулата.

Карлос Бака одлично би се вклопил во стилот на игра на „топџиите“ и без сомнеж ќе биде големо засилување, а предност е тоа што ќе може да игра во Лигата на шампиони.

Веќе подолго време се шпекулира дека Бака би можел да го напушти Милан во зимскиот преоден рок, а „росонерите“ се спремни да го пуштат напаѓачот за сума помеѓу 25 и 30 милиони евра.