Арсенал ја сака ѕвездата на Милан

Арсенал добро ја започна сезоната во Премиер лигата и Лигата на шампиони, но Арсен Венгер и понатаму бара засилување за нападот.

Венгер не е задоволен од настапите на Оливио Жиру, а Лукас Перез кој ова лето пристигн на „Емирати“ сеуште не ги оправда очекувањата.

Поради тоа Венгер бара засилување во нападот, а медиумите тврдат дека го пронашол во Серија А. Имено, Французинот е заинтересиран за ѕвездата на Милан и негов сонародник, Мбаје Нианг.

21-годишниот напаѓач игра одлично оваа сезона и е незаменлив во тимот на Монтела, но Венгер спрема понуда од 20 милиони евра во зимскиот преоден рок.

Сепак, тешко е да се поверува дека „росонерите“ ќе се одлучат да го продадат еден од своите најдобри поединци, особено не на средина од сезоната.