Арсенал потпишува нов договор со нивниот дефанзивец?

Според најновите информации кои пристигнуваат од Англија, Начо Монреал ќе остане во Арсенал и по оваа сезона.

Монреал беше цел на Барселона, но каталонскиот гигант според последните информации сега сака да го доведе Алберто Морено, сегашниот член на Ливерпул кој има договор кој истекува на крајот од сезоната. Ова значи дека Монреал би можел да остане во Арсенал и по оваа сезона е и дека е блиску до потпишување на нов договор со клубот.

Шпанскиот дефанзивец веќе има 33 години и тешко дека Арсенал би можел да му понуди договор кој ќе биде подолг од година дена, имајќи во предвид дека тоа не е пракса во англиските гиганти. Монреал пристигна во Арсенал сезоната 2012/13, одигра вкупно 227 натпревари и постигна 10 гола.