Аргентински новинар тврди: Ибрахимовиќ сака да го игра најстраственото дерби во светот!

Златан Ибрахимовиќ веќе 15-тина години е помеѓу најдобрите светски напаѓачи и во овој момент со голем успех го носи дресот на ЛА Галакси.

Без оглед што наскоро ќе наполни 38 години Ибрахимовиќ се уште игра во одлична форма и редовно постигнува голови.

На Швеѓанецот договорот со ЛА Галакси му истекува на крајот на оваа сезона и според информациите изразил желба за промена на средината.

Познатиот аргентински новинар Луис Фрегоси објави дека Ибрахимовиќ го известил Раиола дека сака барем една сезона да помине играјќи за Бока Јуниорс.

.@Ibra_official termina su contrato con @LAGalaxy este año y entre las posibilidades de seguir su carrera en algun país exótico ya le expreso a su representante que le gustaría jugar un año en Boca . https://t.co/SOD5ld6EuF

— Luis Fregossi (@LuisFregossi) September 25, 2019

Ибрахимовиќ би сакал да се проба во најстраственото дерби во светот помеѓу Бока и Ривер, а дополнително го привлекува тоа што ќе игра заедно со Даниеле Де Роси кој од оваа сезона настапува за аргентинскиот гигант.

Дека годините за Ибра не се проблем покажува статистичкиот податок кој се појави неодамна. Имено, Ибра до пред да наполни 30 години постигнал 232 голови, додека откако влегол во четвртата деценија од животот постигнал 300 голови.

Во својата кариера Швеѓанецот играше во миланското дерби, манчестерското дерби, дерби средби во Холандија, како и шпанското „Ел Класико“ поради тоа и не е изненадување ако навистина сака да ја почуствува атмосферата на „Ел Монументал“ и „Ла Бонбоњера“.