Анчелоти откри дали повредата на Бензема е тешка

Тренерот на Реал, Карло Анчелоти се надева дека Карим Бензема не заработил сериозна повреда на натпреварот од првото коло во Лигата на шампионите против Селтик.

Реал одлично ја отвори новата сезона во ЛШ со триумф против Селтик, но остана без својот најдобар стрелец, Карим Бензема, кој заработи повреда.

Сепак, Анчелоти ги смири навивачите и изјави дека најверојатни повредата на Французинот не е сериозна.

„Првата проценка е дека не станува збор за сериозна повреда. Се уште не знаеме дали повреден е мускулот или коленото.  Тој ќе направи тестови по враќањето во Мадрид, а потоа се ќе биде појасно“, изјави Анчелоти.