Реал Мадрид загуби од Атлетико со 3:1 во градското и дерби од шестото коло на Ла Лига. Така Реал го уништи перфектниот влез во шампионатот и го загуби првото место.
Лука Модриќ (39) само вторпат оваа сезона во Примера беше стартер и според пишувањата на шпанските медиуми, тој беше еден од најлошите играчи во мадридското дерби.
Учиме по најтешкиот пат: Со едукација за заштита и спасување до спречување на трагедии! ↓↓↓
Карло Анчелоти го замени веќе на полувремето, набргу откако Модриќ доби жолт картон поради неговиот приговор.
„Почнав со Модриќ затоа што Чоамени е уморен“
На прес-конференцијата по поразот главна тема беше Модриќ. Новинарите беа изненадени што хрватскиот ветеран играше од почеток. Анчелоти тоа го објасни вака:
„Почнав со Модриќ затоа што сакав да ја имам топката што е можно повеќе, а сакав и да го одморам Чуамени, кој игра многу во последно време“.
На прашањето како реткото вклучување на Модриќ во стартната постава влијаело на тактичката постава, тренерот на Реал одговорил: „Во дијамантот или системот 4-1-2-1-2, Модриќ беше десетка, играч од средниот ред зад напаѓачот, а дуетот пред голот беа Белингем и Родриго“.
Новинарите ги интересираше зошто толку брзо го смени Модриќ. Анчелоти рече: „Затоа што Атлетико беше подобар од нас. Тие рано постигнаа два гола, подобро се бранеа и имаа брза транзиција. Не сакам да го вперувам прстот кон никого и да му го направам тоа на Модриќ би било премногу, но тој одигра лошо, како и неговите соиграчи. Затоа на полувремето наместо Модриќ го воведов напаѓачот Хоселу за да бидеме поопасни“.
Учество во игри на среќа е дозволено за лица со 18+ години. Играј одговорно!