Анчелоти: Имаше шанса Роналдо да се врати во Реал

Тренерот на Реал Мадрид, Карло Анчелоти откри дека постоела можност Роналдо да се врати во клубот, но минатото лето.

Тогаш Роналдо сакаше по секоја цена да го напушти Јувентус, но на крајот се пресели во друг свој поранешен клуб, Манчестер Јунајтед.

„Имаше шанса Роналдо да се врати во Реал. Тоа беше во истото време кога јас се вратив во клубот. Меѓутоа, клупската политика беше јасна да им се даде простор на младите како Винисиус и Родриго“, откри Анчелоти.

Реал одигра фантастична сезона и ја освои Примера и Лигата на шампиони, а Роналдо имаше лоша сезона на „Олд Трафорд“ и оваа сезона нема да игра во ЛШ.