Анчелоти: Алонсо може да го предводи Реал, но јас сакам да останам

Тренерот на Реал Мадрид, Карло Анчелоти, изјави дека ќе ја чека понудата за да остане на „Сантијаго Бернабеу“ до последен можен момент. 

Анчелоти има договор до крајот на сезоната, а со клупата на Реал се поврзуваат неколку други тренери, меѓу кои е и Чаби Алонсо кој одлично го предводи Баер Леверкузен.

За него зборуваше и Анчелоти, кој кажа само пофални зборови и смета дека би можел да го наследи во Мадрид.

„Не размислувам за својата иднина. Горд сум што во Бразил се зборува за мене. Ќе чекам до крај во Реал Мадрид. Што се однесува до Алонсо, тој беше одличен играч и има фантастична тренерска кариера. Може да го предводи Реал затоа што го познава клубот и има популарност“, вели Анчелоти.