„Англичаните мислат дека се најдобри, а имаат еден трофеј од 1966 година“

Поранешниот италијански репрезентативец, Алесандро Алтобели после финалето на Европското првенство истакна дека одлично е чувството да се победи Англија на „Вембли“.

„Англичаните мислат дека се најдобри на светот, а имаат еден трофеј од 1966 година“, изјави Алтобели за „РАИ Спорт“ и ова сигурно не им се допадна на фановите на „Гордиот Албион“.

Овој 65 годишник некогаш беше напаѓач за репрезентацијата на Италија и собра 61 настап, оваа победа ја прослави посебно емотивно.

„Секогаш замислуваат дека се најдобри, најталентирани, најубави…Погледнете ја нашата витрина со трофеи, а погледнете ја нивната“, кратко порача италијанската легенда.