Англиските гиганти се „тепаат“ за ѕвездата на Лацио!

epa05823665 Lazio's Sergej Milinkovic-Savic (L) and Roma's Antonio Rudiger (R) in action during the Italian Cup semifinal soccer match between SS Lazio vs AS Roma at Olimpico stadium in Rome, Italy, 01 March 2017. EPA/ANGELO CARCONI

Англиските медиуми тврдат дека Манчестер Јунајтед, Челзи и Ливерпул се сериозно заинтересирани за играчот на Лацио, Сергеј Милинковиќ-Савиќ.

Англиските гиганти веќе подолго време ги следат игрите на српскиот интернационалец и сакаат следното лето да го доведат во своите редови.

Милинковиќ-Савиќ игра сезона од соништата за Лацио, па иако има само 22 година веќе се етаблираше во еден од најдобрите играчи за врска во Серија А.

За него интерес покажуваат и италијанските гиганти, Јувентус и Милан, но претседателот на Лацио преферира да го продаде во Премиер лигата.

Неговата цена моментално изнесува околу 30 милиони евра, сума која нема да биде проблем за англиските клубови, па останува да видиме кој од споменатите премиерлигаши ќе победи во битката за неговиот потпис.