Ангеловски: Не планираме да застанеме со пласманот во финале

Денеска репрезентацијата на Македонија се собира пред историскиот натпревар со Грузија во четврток.

Селекторот Игор Ангеловски се соочува со проблеми пред овој дуел затоа што неизвесен за настап е Арјан Адеми кој е повреден, а од списокот отпадна Даниел Божиновски, кој беше позитивен на Ковид-19.

„Знаеме против кого играме, знаеме за што играме. Треба да бидеме максимално сконцентрирани, мотивирано да го одиграме натпреварот и да го добиеме за конечно да се пласираме на Европското првенство. Ова е натпревар кој навистина носи посебни емоции бидејќи имаме шанса на фудбалска Македонија да и донесеме пласман на Европско првенство. Со позитивните резултати кои ги остваривме се донесовме во таква ситуација, среќни сме што сме дел од ова финале, но не планираме тука да застанеме. Ова е потполно нов натпревар во однос на нашите два меѓусебни меча, ова е финале, двете репрезентации ќе влезат различно во дуелот во кој очекувам да решаваат нијанси, а тие да бидат на наша страна“, изјави Ангеловски. 

Фото: ФФМ