Американска компанија купува акции и го спасува Интер

Италијанските медиуми пренесуваат дека сопственикот на Интер, Стивен Жанг обезбедил 250 милиони евра за касата на клубот.

Како што е познато, Интер има големи финансиски проблеми и доцни со исплата на платите и обврските, па Жанг мора да обезбеди 250 милиони евра до крајот на сезоната.

„Кориере дела Сера“ пренесува дека американскиот инвестициски фонд „Беин Капитал“ е спремен да даде 250 милиони евра.

Компанијата „Сунинг“ сака да остане сопственик на клубот, па американската компанија ќе добие 31% од акциите на Интер за споменатата сума.

Интер цела сезона има финансиски проблеми и доцни со платите бидејќи Кина забрани одлив на капитал, па „Сунинг“ има потешкотии да го води клубот.