Алиоски: Да и се реваншираме на Ерменија!

Репрезентацијата на Македонија вечерва истрча на Арената „Тодор Проески“ и го имаше првиот тренинг пред двата натпревари со Ерменија и Грузија.

Езгјан Алиоски ги истакна своите очекувања за овој натпревар.

„До сега направивме многу, но имаме уште и се надевам на добра игра. Овие два натпревари се добредојдени пред мечот со Косово. Очекувам победа во двата натпревари. На Ерменија треба да и се реваншираме за поразот во минатото издание, а Грузија ќе биде еден голем тест. Со нив може да играме и финале во Лигата на Нации затоа тој натпревар ќе биде посебен“, изјави Џани.