Александер-Арнолд: Попрво би заиграл за Барса отколку за Реал

Трент Александер-Арнолд со одличните игри во дресот на Ливерпул ја воодушеви фудбалската јавност.

Според многумина, Арнолд моментално е еден од најдобрите десни бекови на светот, а со своите игри за Црвените тоа го докажа повеќе пати. Тој е дете на тимот од Енфилд и на крајот сака кариерата да ја заврши токму во овој клуб.

Сепак, веќе некое време се шпекулира дека Реал Мадрид на лето е се обиде да го донесе овој играч во своите редови, иако се чини дека тоа ќе биде невозможна мисија.

Александер- Арнолд за Индепендент изјави дека со сигурност ќе остане на Енфилд и откри дека за Реал не размислува, а ако некогаш ги напушти Црвените попрво би заиграл во Барса.

„Мој омилен тим покрај Ливерпул е Барселона. Верувам дека го негуваат истиот фудбал како ние во Ливерпул. Овде сите имаме исти верувања и сакаме да напредуваме се повеќе. Верувам дека таква е филозофијата и во Барселона.“ – изјави десниот бек на Ливерпул.