Јувентус одигра само 1:1 против Нант во Торино во 1/16 финалето од Лигата на Европа, но многу по овој натпревар ќе се коментира недосудениот пенал во самата завршница (ТУКА).
За таа ситуација прашање доби и Алегри на прес-конференцијата по натпреварот.
Како екраните влијаат на детскиот развој? Разговор со дефектолог
„Нема смисла сега да се зборува дали тоа било пенал. Не вреди да се плаче. Можевме подобро да регираме, посебно кога имавме водство. Ние застанавме и дури после примениот гол повторно се активираме. Треба да се каже и дека Нант постигна добар гол, не е лесно така да шутнете“, изјави Алегри.
Сепак, голем дел од навивачите го критикуваат и Алегри поради неговиот дефанзивен пристап по даден гол, односно игра на 1:0.
„Никогаш не сум кажал дека сакам да победувам 1:0. Ме нервирате со тие глупости. Се создаде таа слика која воопшто не е вистина. Погледнете ја статистиката на моите тимови, секогаш имав најдобра одбрана и втор најдобар напад. Во Милан и во Јувентус. Моите тимови постигнуваат по 70-80 голови во сезона. Јас зборувам за факти и бројки, а вие за апстрактни работи“, истакна италијанскиот стратег.
Учество во игри на среќа е дозволено за лица со 18+ години. Играј одговорно!