Паоло Дибала после седум години си заминува од Јувентус. Аргентинецот и „старата дама“ не се договорија за продолжување на соработката, а овој потег предизвика лавина реакции во јавноста.
И мислењата на навивачите беа поделени, дел сметаа дека не смее да се дозволи Дибала да си замине, а други пак дека барањата кои ги има Аргентинецот со оглед на тоа што го покажа во последните години се преголеми.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
За ситуацијата на Дибала сега зборуваше и Масимилијано Алегри во разговор за италијански „ДАЗН“.
„Пауоло мора да се врати и да биде оној стариот, еден период почна да лета во облаци поради споредбите со Меси. Еден фудбалер никогаш не треба да мисли дека е ист како друг, секој треба да игра за себе и на свој начин“.
„Дибала сигурно има многу понуди затоа што располага со фантастични технички квалитети, се работи за одличен играч, меѓутоа мора да се фокусира на сопствените недостатоци, како физички така и технички“, изјави Алегри.
Засега не е познато каде Дибала ќе ја продолжи кариерата, а во медиумите досега нејмногу се поврзуваше со Интер и Рома.
Учество во игри на среќа е дозволено за лица со 18+ години. Играј одговорно!