Алегри го казнил Артур: Задоцнил на тренинг, нема да игра против Венеција

Утре Јувентус ќе игра против Венеција во рамките од Серија А, а од овој натпревар нема да биде дел Бразилецот Артур затоа што задоцнил.

Стратегот на Јувентус Масимилијано Алегри на денешната прес-конференција соопшти дека Артур нема да патува со тимот затоа што задоцнил на последниот тренинг утринава.

„Венеција постигна многу голови дома, мораме да го почитуваме и да влеземе на теренот си вистинскиот менталитет. Воопшто нема да биде лесно, теренот изгледа помал. Со исклучок на Кјелини и јас пред многу години ниту еден наш играч не играл таму. Мекени тренираше одвоено и ќе се приклучи на останатите следната недела. Рамзи се уште е во аут. Артур исто така немаше среќа утрово задоцни на тренинг и нема да биде повикан“.

„Не е добро да задоцните на ден пред натпреварот. Сепак, некогаш се случуваат и вакви работи на тренинзите ќе се врати од вторник“, изјави Алегри.