Алвес откри кои двајца фудбалери му помогнале: Бев изневерен од клубот од детството!

Дани Алвес за „Радио Креатива10“ зборуваше за тешкиот период кој го поминал во затвор, како човек кој најмногу му помогнал го издвои Меси, но и Мемфис Депај.

Алвес во притвор во Шпанија помина повеќе од една година, а беше пуштен на слобода со платена кауција од еден милион евра.

„Не мора да го кажам ова, но ќе го кажам. Бев изневерен од мојот клуб од детството, Барселона. Сите пријатели ми го свртеа грбот, но еден кој ми даде финансиска поддршка додека бев во затвор беше Меси“, вели Дани Алвес.

Откри Алвес дека Меси му помогнал и на Роналдињо.

„Тој плати двајца адвокати да ме бранат во Барселона, и секогаш ме прашуваше за моите услови во затвор. Тој ми прати прекривка со наша слика на неа. Меси беше оној кој ми ја плати првата сметка, втората ми ја плати Мемфис Депај. Меси исто така ја плати и сметката на Роналдињо кога тој беше во затвор“, откри поранешниот бразилски репрезентативец.