Дани Алвеш минатата година беше во затвор – сега е проповедник (Видео)

Дани Алвеш, еден од најтрофејните фудбалери во историјата, поранешен ас на Севиља, Барселона, Јувентус, ПСЖ и репрезентацијата на Бразил, во јануари 2023 година беше уапсен во Барселона откако една девојка го обвини дека ја принудил на сек*уални односи во тоалетот на ноќен клуб еден месец порано.

Во февруари минатата година 2024 година Дани Алвеш беше прогласен за виновен за си*ување и беше осуден на четири и пол години затвор и обврска да плати 150 илјади евра оштета на жртвата. По донесувањето на пресудата, Барселона го отстрани од делот на клупската страница наречена Легенди. Меѓутоа, неколку дена подоцна клубот повторно го врати таму.

Кон крајот на март минатата година Алвеш беше пуштен од затвор со кауција од милион евра. Морав да ги предаде своите шпански и бразилски пасоши на полицијата, со што му беше оневозможен излез од Шпанија. Во март оваа година, жалбениот суд ја поништи пресудата дека Алвеш е виновен поради “недостаток на веродостојност на сведочењето на тужителката и несогласување во претходната пресуда”.

Потоа, шпанското Државно обвинителство поднесе жалба до Врховниот суд за поништување на пресудата за си*ување на Дани Алвеш, но тој сега е слободен човек. По едногодишниот престој во затвор обвинет за сексуален напад, Алвеш живее сосема поинаков живот, далеку од медиумите и професионалниот фудбал.

Поранешниот играч на Барса, Дани Алвеш, стана проповедник во црква во Џирона. Оваа година беше ослободен од обвинение за сексуален напад.

“Треба да се има вера во Бога. Јас сум доказ за тоа. Направив завет со Бога”. pic.twitter.com/H6KjoJXyaH

— Albert Ortega (@AlbertOrtegaES1) October 27, 2025