Алаба направи споредба помеѓу Реал и Баерн

Поранешниот фудбалер на Баерн Минхен, Давид Алаба даде интервју за германските медиуми и го спореди баварскиот гигант со Реал Мадрид.

Алаба долги години го носеше дресот на Баерн и ова лето како слободен агент се пресели во Реал Мадрид.

„Двете екипи имаат одличен стил на игра и разликите се во детали. Во секој случај, секогаш зависи од тренерот и тоа кој го води тимот. Мојата сегашна екипа е гладна за триумфи и амбициозна, а така беше и во Баерн“.

„Во Мадрид од првиот ден почувствував единствена аура и атмосфера. За минатото на Реал можете да научите додека шетате низ градот. Овој клуб е нешто посебно. Баерн е еден од најголемите клубови на светот, а истото важи и за Реал Мадрид. Меѓутоа, без непочитување кон Баерн, тука во Реал се е барем за нијанса поголемо“, изјави Австриецот.