Адеми: Ќе играме против најдобриот тим во светот

Хрватскиот Динамо Загреб имаше фантастичен старт во Лигата на шампионите победувајќи ја Аталанта со 4:0.

Пред тимот на Адеми сега е нов поголем предизвик. Динамо вечерва гостува кај англискиот шампион Манчестер Сити. „Граѓаните“ се апсолутни фаворити меѓутоа во Динамо веруваат дека можат да направат изненадување.

Дали можат да направат такво нешто ќе видиме вечерва во 21:00 часот, но дека се спремни да дадат 100% па и повеќе од себе во хрватскиот тим покажуваи изјавата на Адеми.

„Смирен сум, знаеме со кого играме и што е не чека на „Етихад“. Ова е натпревар во кој немаме што да изгубиме, а токму во таква ситуација човек е најопасен. Мораме да го издржиме притисокот во текот на натпреварот. Ако сакаме позитивен резултат грешките мора да ги сведеме на минимум. Ќе е играме против најдобриот тим во светот и секој нивни играч за нас би бил засилување, но јас не би земал никого затоа што имам соиграчи во кој максимално верувам“, изјави Адеми.