Абрамович не се шегува, спреми 150 милиони за Халанд

Ерлинг Халанд сака да ја промени средината, но прво ќе мора да ги убеди раководните лица на Борусија Дортмунд да му дозволат да си замине ова лето.

Дортмунд тврди дека Халанд не е на продажба, но сепак постави цена од 180 милиони евра за слободата на Норвежанецот.

Високата цена не го поколеба Челзи, кој веќе работи на трансферот и испрати прва понуда за Халанд.

Норвежанецот е голема желба на тренерот Тухел и Челзи сака да му ја исполни, па спремиле понуда од 150 милиони евра.

„Сините“ се спремни ова лето да продадат неколку фудбалери кои не се во плановите на Тухел како Емерсон Палмери, Зијех, Бакајоко, Абрахам… за да го финансираат трансферот на Халанд.