„Ќе умрев од мака кога видов дека Македонија ќе игра на ЕП“

Искусниот српски стратег Драгослав Степановиќ беше многу разочаран што Србија не успеа да се пласира на Европско првенство.

Тој неуспехот на Србија го спореди со успехот на Македонија и не криеше дека е разочаран што ние ќе играме во завршните на ЕП.

„Србија мораше многу повеќе да ризикува против Шкотска, но тоа Тумбаковиќ не го знае. Одигравме со страв, а тогаш нема успех. Се изгуби култот на репрезентацијата. Погледнете како Хрватите гинат за репрезентација. Или кога видов дека Македонија ќе игра на Европско првенство, сакав да умрам од мака. Земја од само два милиони жители, а дали го погледнавте оганот во очите на Македонците кога се борат за ЕП. Нормално, им честитам од срце. А, каде сме ние, се запрашал ли некој“, изјави Степановиќ.