Јунајтед предводен од Фернандеш го „прегази“ Ватфорд (видео)

Манчестер Јунајтед ја потврди добрата форма и запиша голема победа над Ватфорд од 3:0. Вулверхемптон со идентичен резултат го победи Норвич.

Гостите подобро го отворија мечот и имаа неколку шанси за гол, но потоа стигна казната. Фернандеш избуди пенал во 40-та минута и го претвори во гол за водство од 1:0.

Во второто полувреме „црвените ѓаволи“ беа подобри, па Марсијал во 58-та минута зголеми на 2:0, а Гринвуд со прекрасен гол стави точка на натпреварот.