Јокиќ стартуваше со фантастичен трипл-дабл, Дончиќ со 32 поени 🎥

Пред стартот на сезоната се најавуваше дека Лука Дончиќ ќе биде лидер на Далас, но на првиот натпревар од сезоната недостасуваше поддршката на останатите.

Дончиќ играше одлично, меѓутоа сам не можеше да обезбеди победа, па Далас беше поразен од Феникс со резултат 106:102. Натпреварот Лука го заврши со 32 поени, осум скока и пет асистенции. Кај победничката екипа Девин Букер уфрли 22 поени и пет скока. Крис Пол не блескаше на дебито и го заврши мечот со осум поени, четири скока и пет асистенции. На почетокот од натпреварот имаше и многу промашувања.

Никола Јокиќ имаше уште подобра вечер од Дончиќ, но и неговиот Денвер забележа пораз. Подобар од тимот на српскиот кошаркар беше Сакраменто. Во овој меч се играа продолжение после кое Сакраменто излезе како победник со 122:124. Јокиќ натпреварот го заврши со трипл-дабл учинок од 29 поени, 15 скокови и 14 асистенции.

НБА РЕЗУЛТАТИ: Кливленд – Шарлот 121:114, Индијана – Њујорк Никси 121:107, Орландо – Мајами 113:107, Филаделфија – Вашингтон 113:107, Бостон – Милвоки 122:121, Торонто – Њу Орлеанс 99:113, Чикаго – Атланта 104:124, Мемфис – Сан Антонио 119:131, Минесота – Детроит 111:101, Денвер – Сакраменто 122:124 (пп), Портланд – Јута 100:120, , Феникс – Далас 106:102.