Јамал има големи амбиции: Откри која е неговата цел во Барселона

Талентот на Барселона, Ламин Јамал истакна дека негова желба е да стане легенда на Барселона и ако тој се прашува никогаш не би заминал.

Од своето деби, Јамал сруши многу рекорди, но верува дека најдоброто од него допрва следи.

„Не би сакал никогаш да ја напуштам Барселона. Моја желба е да станам легенда на овој клуб. Навистина ми годи тоа што ме споредуваат со најдобриот во историјата, Лионел Меси, меѓутоа јас сакам да бидам оригинален, Ламин Јамал, нивото на Меси е тешко да се достигне“, изјави Јамал.

Нико Вилијамс многу се поврзуваше со Барселона, но на крајот не дојде.

„Сакам секоја недела да играм со Нико, навистина ми е добар пријател, не знам дали следната сезона ќе дојде, ќе видиме“, додаде Јамал.