Ѕвездата на Сенегал го пропушта Мундијалот поради допинг

Кеита Балде Диао, играчот на Спартак Москва, доби суспензија од 90 дена затоа што навремено не се појавил на допинг-контрола.

Тоа значи дека Кеита нема да може да настапи на Мундијалот во Катар за репрезентацијата на Сенегал.

Тој, во април во дресот на Каљари ги прекрши правилата за допинг, а иако повторениот тест покажал дека не е позитивен, тој сепак е суспендиран од страна на Фудбалскиот сојуз на Италија.

Суспензијата на Балде ќе трае до 5 декември, што автоматски значи дека тој нема да може да биде повикан во составот на Сенегал за Светското првенство, кое на 18 ноември ќе започне во Катар.