Ѕвездата на Монако суспендиран 6 месеци поради туркање на судијата

Напаѓачот на Монако, Желсон Мартинс скапо ќе ја плати цената поради агресивното однесување кон судијата  на мечот против Нимс.

Португалскиот репрезентативец е суспендиран од француската Федерација за период од 6 месеци за туркање судијата Лесаж на мечот со Нимс. Тогаш Мартинс остро реагираше кога судијата му покажа црвен картон на неговиот соиграч Бакајоко.

Поради приговорот и Желсон доби црвен картон, по што ги загуби нервите и го турна судијата.  Француската федерација го опиша ова како „брутална акција“ и му изрече тешка казна, односно суспензија од 6 месеци.

Неиграњето на Португалецот до крајот на сезоната сигурно негативно ќе се одрази и на неговите настапи на Европското првенство.