Ѕвездата на Ајакс прво засилување за Куман

Се чека само да се официјализира, но повеќе нема дилеми, Роналд Куман ќе го наследи Кике Сетиен на клупата на Барселона.

Холандскиот стратег се очекува да направи голема реконструкција на тимот, а медиумите веќе шпекулираат со новите засилувања.

Медиумите тврдат дека првото засилување ќе биде сонародникот на Куман, Дони ван дер Бек. Играчот на Ајакс беше мета на Реал и Јунајтед, но се чини дека тој ќе заврши во Барселона за сума од околу 50 милиони евра.

Куман веќе го убедил својот сонародник да се пресели на „Камп Ноу“ и заедно со Де Јонг и Пјаниќ да го формираат новиот среден ред на Барселона.

Ова значи дека, освен Ракитиќ, нема место за Видал, но и за Бускетс, кој најверојатно ќе се пресели на клупата за резерви.

Куман игра со формација 4-3-3, па прва трансфер цел во нападот ќе му биде Нејмар, а за таа цел Барса е спремна да го „жртвува“ Гризман.