Ѓоковиќ во притвор го чува полиција, забранет му е и телефон

Најдобриот тенисер во светот, Новак Ѓоковиќ е задржан на аеродромот во Австралија, поради проблеми со визата.

Сега се појави информација дека австралиските власти имаат скандалозен однос кон Ѓоковиќ и го држат во емиграциски притвор.

Таткото на Новак, Срѓан Ѓоковиќ за српските медиуми изјави дека неговиот син е во притвор на аеродромот во Мелбурн и пред вратата од собата во која е сместен има двајца полицајци кои го чуваат.

Ѓоковиќ е задржан во една просторија во притвор, го обезбедуваат двајца полицајци, забранет му е мобилниот телефон и контактот со кој било од неговиот тим.

Ѓоковиќ имал поднесено погрешно барање за виза, Србинот во меѓувреме поднел и ново како што побарале австралиските власти, па се очекува расплет на ситуацијата.