Новиот селектор на „црвената фурија“, Роберто Морено е спремен да му го отстапи местото на Луис Енрике, кој во јуни се повлече од селекторската функција.
Како што е познато, Луис Енрике даде отказ бидејќи требаше да биде заедно со својата деветгодишна ќерка Чана, која боледуваше од канцер.
До кога ќе дишеме отровен воздух!? | Уште еден поткаст
За жал неговата ќерка почина пред неколку дена, па сега Морено е спремен да му го отстапи местото на Енрике, доколку сака да се врати.
„Ако еден ден Луис посака да се врати, јас веднаш ќе му го отстапам местото“, изјави Морено.
„Оваа недела беше многу тешка за сите нас во репрезентацијата. Ќе се обидеме да донесеме малку радост во вака тежок момент. Тоа е единственото нешто за кое ќе се бориме“, додаде Морено.
Во четврток „црвената фурија“ и гостува на Романија, а во недела ќе ја пречека селекцијата на Фарски Острови.
Учество во игри на среќа е дозволено за лица со 18+ години. Играј одговорно!