Шок за Рома: Абрахам ги скинал лигаментите

Во последниот натпревар од сезоната Рома победи со голот на Дибала во 89-та минута и така го обезбеди настапот во Лигата на Европа, но во редовите на „волчицата“ владееше и по малку разочарување.

Тами Абрахам кој имаше солидна сезона и Рома можеше од него добро да заработи се повреди и тоа сигурно ќе претставува проблем.

Освен што заинтересираните клубови сега веројатно нема да сакаат да ризикуваат со негов ангажман, Рома го изгуби Абрахам и за првите месеци од наредната сезона.

Напаѓачот ги скинал лигаментите и го чека пауза од девет месеци, па така на теренот веројатно ќе се врати февруари или март.