Во големото дерби на грчката Супер лига, Олимпијакос го совлада Панатинаикос со минимални 1:0. Натпреварот се одигра во рамките на шестото коло, а оваа победа значеше и прв пораз за Панатинаикос во тековната сезона.
Клучниот момент се случи во 34. минута, кога Ремо Фројлер испрати центаршут, а Панајотис Рецос најдобро се снајде во шеснаесетникот и постигна гол за водство на домаќините.
Иако Олимпијакос остана со играч помалку од 66. минута поради вториот жолт картон на Салиакас, тимот успеа да ја задржи предноста до крајот на натпреварот.
Новиот член на Олимпијакос, Наир Тикнизјан, кој до неодамна играше за Црвена звезда, одигра цели 90 минути и беше значаен дел од успехот на својот тим.
По оваа победа, Олимпијакос се наоѓа на третото место со 13 бодови, додека Панатинаикос останува на врвот со 15 бодови, само еден повеќе од актуелниот шампион АЕК. ПАОК е четврти со 12 бодови и има шанса да се израмни со лидерот доколку го победи Каламата во следниот натпревар.
Сезоната ветува возбудлива битка за титулата, со оглед на тоа што Панатинаикос се уште го чека својот 20-ти трофеј од 2010 година, додека Олимпијакос е најуспешниот клуб во историјата на грчкиот фудбал со 48 титули.
Учество во игри на среќа е дозволено за лица со 18+ години. Играј одговорно!