Шкупи се налути и „распука“ по ФФМ!

Поранешниот македонски шампион Шкупи со остро соопштение ја критикуваше ФФМ поради проблемот со вадење виза Валид Хамиди.

Чаирчани ја критикуваа „Куќата на фудбалот“, но и државата. Соопштението ви го пренесуваме во целост:

„Доста е. Шкупи е екипа на оваа земја. Ние како клуб во Европа ја претставуваме Република Македонија. На само еден ден пред мечот во Конференциската лига, сè уште не сме добиле патна виза за еден од нашите најважни фудбалери, Валид Хамиди. Оставени сме сами на себе во борбата да го решиме овој проблем. Ниту ФФМ, ниту некој друг функционер не се вклучи да помогне.

За да се реши проблем, се вклучија Фудбалската федерација на Литванија и УЕФА, но сè уште немаме позитивен одговор. Треба добро да се разбере дека целта на ФФМ е да им служи на фудбалот и клубовите.

Зошто сме оставени сами во толку важен момент? Како резултат на секое достигнување во Европа, успехот е препишан и на Република Македонија. Не разбираме зошто не му се издаде виза на Хамиди“, стои во соопштението на чаирчани.