Швајцарците лути: За репрезентацијата повеќе нема да играат играчи со двојно државјанство?

Предлогот кој би можел многу да промени дојде од генералниот секретар на фудбалскиот сојуз Алекс Мајшер.

Во фудбалскиот сојуз на Швајцарија сериозно размислуваат повеќе да не повикуваат играчи во националниот тим кои имаат потекло од други држави, изјави во едно интервју генералниот секретар Алекс Мајшер.

„За мене лично, нивниот гест не беше политичка провокација, но секако дека не беше правилна одлука. Тоа беше емоционална реакција поврзана со семејната историја.

Им верувам во тоа, но направија проблеми без никаква потреба“.

Потоа Мајшер доби прашање што тој инцидент покажува.

„Дека постои одреден проблем во репрезентацијата и мораме под итно да го решиме. Двојните државајнства создаваа проблем, не само во фудбалот. Постојат социјални разлики и размислувам дека Швајцарија би можела да постави некакви граници“, изјави Мајшер.