Челзи и Бенфика се пласираа во четвртфинале🎥

Челзи и Бенфика се првите четвртфиналисти во Лигата на шампиони откако вечерва ги елиминираа Борусија Дортмунд односно Бриж.

Челзи успеа да ја елиминира негативата од првиот меч и вечерва славеше над Борусија Дортмунд со 2:0

„Сините“ од самиот старт тргнаа фуриозно и создаваа шанси. Најпрво Хаверц ја погоди стативата, а потоа му беше поништен гол поради милиметарски офсајд.

Во 44-та минута Челзи конечно ја материјализираше надмоќта на теренот со голот на Стерлинг, резултат со кој се замина на одмор.

На самиот старт на второто полувреме судијата досуди пенал за Челзи, а прецизен од втор обид беше Хаверц за 2:0.

Потоа Борусија се обиде да постигне гол и да го одведе мечот во продолженија, но најголемата шанса ја промаши Белингам во 65-та минута.

Бенфика запиша уште една висока победа од 5:1 над Клуб Бриж во Лисабон и со конечни 7:1 се пласира во четвртфиналето.