Чави потврди: Неговата иднина во Барселона е неизвесна!

Сезоната заврши за Барселона, но изгледа дека турбуленциите се уште не поминале. Сеуште не може со сигурност да се каже каков е статусот на Чави. Клубот до неодамна го убедуваше да остане, Чави прифати, меѓутоа по натпреварот со Алмерија настана проблем.

Шпанските медиуми пишуваа дека во клубот работите се промениле поради изјавата на шпанскиот стратег за финансиската состојба по тој натпревар. Дека навистина сега неговата иднина не е решена потврди и Чави кој најави дека за брзо ќе разговара со раководството и претседателот Лапорта.

„Кога ќе има новсоти ќе ги споделам со вас. Засега не знам ништо ново. Очекувам да разговараме во најскоро време“, изјави Чави.

Утрово пристигнаа и информации дека Чави и Лапорта требало да разговараат по вчерашниот натпревар против Рајо, но тој состанок се одложил затоа што на претседателот му се слошило, па бил пренесен во болница. (ТУКА).