![](https://sportski.mk/wp-content/uploads/2024/03/Screenshot_23-5-850x477.jpg)
Крајот на овој месец во Хрватска ќе го одбележи дуелот меѓу Хајдук и Динамо, кој е закажан за 30 март на Пољуд во Сплит, а тоа ќе биде еден од клучните натпревари во трката за титулата, што е многу интересно оваа сезона во локалниот шампионат.
За регуларноста на овој натпревар да биде на највисоко можно ниво, одлучено е на натпреварот помеѓу Хајдук и Динамо правдата да ја делат странски судии.
Лига Нации: Се освен прво место ќе биде катастрофа за Македонија! ↓↓↓
Неодамна се појави информација дека може да биде ангажиран најдобриот српски судија Срѓан Јовановиќ, но изборот падна на германскиот судија, 39-годишниот Даниел Зиберт.
Тој е еден од 33-те судии кои припаѓаат на елитната група на УЕФА и редовно судат во Бундеслигата, па беше неопходно да се издвојат значителни финансиски средства за неговото доаѓање на хрватското дерби.
Хрватскиот „Индекс“ денеска откри дека на Зиберт за овој ангажман во хрватското дерби ќе му бидат исплатени шест илјади евра, а на неговите двајца помошници по три илјади. Претходно тој беше ангажиран и во Грција каде ја делеше правдата на натпреварот меѓу Панатинаикос и ПАОК.