Американскиот бизнисмен Френк Мекорт за сума од 45 милиони евра стана сопственик на славниот француски фудбалски клуб, Олимпик Марсеј.
Мекорт, кој на јавноста ѝ е познат и како поранешен сопственик на бејзбол тимот ЛА Доџерс, преку француските медиуми порачал дека во наредните четири години во клубот ќе вложи 200 милиони евра.
Лига Нации: Се освен прво место ќе биде катастрофа за Македонија! ↓↓↓
Истовремено американскиот бизнисмен го именуваше Жак-Анри Еро за нов претседател на клубот.
„Денес започнува ново поглавје во историјата на Олимпик Марсеј. Ќе го вратиме клубот на патеките на славата“, порача 63-годишниот Мекорт.
Продажбата може да го спаси великанот на францускиот фудбал од просечноста во која се наоѓа во изминатите неколку сезони, минатата сезона Марсеј заврши на 13-то место, а во тековната по девет одиграни натпревари е на 12-то место.
Новиот газда најави доведување на звучни имиња и скапи засилувања, па медиумите најавиваат дека е можно да се создаде „нов Пари Сент Жермен“.